11 أيار مايو 2016 / 16:41 / بعد عام واحد

تلفزيون- افتتاح مدرسة لفنون السيرك في بيروت يُبهج لبنانيين

الموضوع 3041

المدة 4.34 دقيقة

بيروت في لبنان

تصوير 7 مايو أيار 2016

الصوت طبيعي مع لغة عربية

المصدر تلفزيون رويترز

القيود لا يوجد

القصة

شارك أشخاص يسيرون على عوارض خشبية طويلة وفنانون ومهرجون وبهلوانات في حفل افتتاح مدرسة جديدة لفنون السيرك بالعاصمة اللبنانية بيروت مطلع الأسبوع.

المدرسة افتتحت في منطقة جسر الواطي وأنشأتها جمعية سركنسيال الأهلية. وتسبب افتتاحها في نشر حالة من البهجة بين أهل بيروت.

وقال مدير برنامج الشباب في الجمعية نديم عبدو لتلفزيون رويترز على هامش حفل الافتتاح يوم السبت (7 مايو أيار) "اليوم عم نفتتح أول مدرسة سيرك بلبنان. السيرك هو شي كثير مهم للشبيبة لكل الأعمار. يعني إحنا عم نتوجه من الشباب الصغار من عمر خمس سنين الأولاد لعمر 60-70 سنة. كل الأشخاص فيهن يشتغلوا سيرك. الهدف هو المهارات اليدوية وتنمية التواصل بقلب المجموعة. يعني أشخاص بيعتمدوا ع الآخرين تا (حتى) يتساعدوا ويوصلوا لنتيجة سوا."

وسوف تفتح المدرسة الجديدة أبوابها للجمهور مرتين أسبوعيا لحضور حفلات سيرك مجانا. كما تعمل الجمعية أيضا مع الأشخاص المهمشين لاسيما ذوو الإعاقة واللاجئون.

وأكد ماهر صفر مدير المشروعات في جمعية سركنسيال أهمية وجود ساحة لممارسة كل أنواع الفنون.

وأضاف صفر "السبيس (الساحة) معمول بحد ذاته ليتقبل قد ما فيه مجالات وفنون مفتوحة. يعني مثل ما عم تشوفوا حواليكن فيه عالم من كل المناطق اللي جاية. بتعمل كثير قصص. عالم مهندسين. عالم (أناس) بتلعب موسيقى. يمكن تكون عالم قاعدة عم تلعب موسيقى مع حدا عم يعمل عرض صغير. الموسيقيين بييجوا بيلعبوا معنا. الرسامين بييجو بيقعدوا معنا بيحطوا ورشة عمل (بالإنجليزية) عندنا وبيقعدوا بيرسموا. بنقعد مع الكل وبنستقبل كل أنواع الفنون."

وقال الموسيقي اللبناني جوني جرجس الذي يعمل مع جمعية سركنسيال إن السيرك يمكن أن يكون مصدر تعليم إضافة إلى كونه مصدر ترفيه.

وأضاف جرجس "بنآمن إنه الفنون (بالإنجليزية) هي طريقة لنعلم كل المواد. بنعلم فيزياء. الطابة (الكرة) عم توقع. فيه جاذبية (بالفرنسية) فيه جاذبية. عم بأقدر أحمل حدا ع إيدي. بأقدر أحمل ع إيدي هيدا قانون الحركة الأول لنيوتن (بالإنجليزية) هيدا نيوتن أول قانون.. بعض القوى تساوي صفر (بالإنجليزية) كل ها القوات تساوي صفر(بالانجليزية) عم أتعلم علوم أنا وعم أتحرك. ما أني بحاجة بقى أقعد بصف عن جد. في (يمكنني) أتعلم بطرق بديلة وطرق فعالة وناجحة. فإذاً هيدا الرسالة النهائية تبعنا. وبنتمنى انه نلاقي أكثر تعاون مع كل السلطات المعنية يعني من كل قلبنا. هدا هدف بنتمناه لكل لبنان لأنه لهونيك واصلين بالسويد. لهونيك واصلين بفنلندا."

واستمتع حضور حفل افتتاح مدرسة فنون السيرك بالعروض التي شارك فيها سحرة ومهرجون ومقدمو فنون أخرى بالسيرك.

وقالت لبنانية حضرت الحفل تُدعى ماريا كريمونا "أنا حاسة حالي مفتخرة اليوم انه مدرسة سيرك بلبنان كان مثل حلم لإلي أنا وصغيرة انه أقدر أعمل مثل أشتغل على حالي بطريقة غير مثل القصص اللي بيقولوا لنا إياها بلبنان مثل لأنه قصص خيالية (بالانجليزية) أو انه قصص كوني حكيمة (طبيبة) .. كوني مهندسة."

وأيدت لبنانية أخرى مختصة بعلم النفس وفنانة تُدعى رافيين إقامة مدرسة السيرك.

وقالت "هيدا شي كثير حلو لأنه بالجزء اللي أنا دارسته كعلم نفس بتمرن الإنسان انه يكون عنده صلة بين عقله وبين جسمه وبتساعده انه بيصير عم يعمل أشياء ثانية مبتكرة بالحياة. وشي كثير حلو عم بيصير هون لأنه بلبنان ما كثير بنشوف عالم بتشجع الأشياء الجديدة أو الأشياء اللي بتخلي الإنسان يفرح يعني. فهيدا شي كثير حلو."

وتأسست جمعية سركنسيال في 2001 وهي تنظم احتفالات ودورات تدريبية في المدارس والأندية. ويقول موقع الجمعية على الانترنت إن العمل مع الأطفال والشباب في أنحاء منطقة الشرق الأوسط يمثل جزءا أساسيا من مهمتها.

خدمة الشرق الأوسط التلفزيونية (إعداد محمد محمدين للنشرة العربية - تحرير محمد عبد اللاه)

0 : 0
  • narrow-browser-and-phone
  • medium-browser-and-portrait-tablet
  • landscape-tablet
  • medium-wide-browser
  • wide-browser-and-larger
  • medium-browser-and-landscape-tablet
  • medium-wide-browser-and-larger
  • above-phone
  • portrait-tablet-and-above
  • above-portrait-tablet
  • landscape-tablet-and-above
  • landscape-tablet-and-medium-wide-browser
  • portrait-tablet-and-below
  • landscape-tablet-and-below