6 نيسان أبريل 2016 / 14:27 / بعد عامين

تلفزيون-حملة شبابية لاختيار مرشحين لخوض الانتخابات البلدية في بيروت

الموضوع 3016

المدة 4.36 دقيقة

بيروت في لبنان

تصوير حديث

الصوت طبيعي مع لغة عربية

المصدر تلفزيون رويترز

القيود لا يوجد

القصة

ينظم مجموعة من الشباب اللبناني حملة للترويج لمرشحين يدعمونهم في انتخابات مجلس بلدية بيروت المقررة في مايو أيار.

الحملة التطوعية تحمل اسم ”بيروت مدينتي“ وتقول إن هدفها هو إحداث هزة في المجلس البلدي وإجراء إصلاحات ضرورية للعاصمة اللبنانية.

وقال منسق الحملة جاد شعبان إن مرشحيهم للمجلس البلدي وضعوا برنامجا للمساعدة في حل مشكلات المدينة بدلا من تأييد أي من الاتجاهات السياسية فيها.

وأضاف شعبان ”الحملة بلشت (بدأت) بمبادرات فردية لأشخاص اجتمعوا وقرروا انه الحالة ببيروت ما بقى فينا نتحملها. وقرروا انه إحنا ليه نحن ما نخوض معركة الانتخابات البلدية ببيروت. لنحاول بدل ما كل مرة عم ننظر على المجلس البلدي. أو عم ننظر على وزارات أو بس عم نحكي من برا. بنجرب نرشح فريق بيشبهنا ونوصله ع البلدية ليصير هو عم يطبق البرنامج اللي بيفيد كل البيروتيين وبيفيد كمان كل لبنان.“

وتهدف الحملة الشبابية إلى تحسين الطرق والمواصلات في المدينة وزيادة الرقعة الخضراء وتوفير مساكن بأسعار معقولة والاهتمام بالتراث الطبيعي للمدينة.

ويرغب منظمو الحملة أيضا في وضع خطة طويلة الأمد لإدارة النفايات (القمامة) بعد أن تسببت أزمة في تكدس أكوام القمامة في شوارع المدينة على مدى سبعة أشهر.

وقالت ناشطة في الحملة تدعى ميرنا شدراوي إن القائمة الرسمية لمرشحي الحملة ستُعلن عند فتح باب الترشيح للانتخابات وتوقعت الحصول على تأييد كبير من سكان بيروت.

وأضافت شدراوي ”نحنا ح تنعلن اللائحة رسمياً مع المرشحين نهار اللي بينفتح باب الترشيح. لهلأ (للآن) نحن عم نشتغل على البرنامج أو على المشروع اللي نحن حابين نكون لأول مرة بقلب انتخابات بلدية فيه حدا مقدم مشروع متكامل. لسوء الحظ دائماً اللي بيترشحوا ع الانتخابات عندهم شعارات وليس مشروع متكامل. نحن بانيين مشروعنا على مشاريع تقدمت لها البلدية ولها الوزارات ولها الدولة عبر آخر 25 سنة. بانيين برنامج متكامل حابين نطبقه. بنتوقع انه الإقبال يكون كثير كبير. بنتوقع انه العالم قرفت وزهقت من الوضع القائم.“

وقالت الخبيرة في مجال الطب الشرعي ريتا معلوف التي تأمل في ترشيح نفسها في انتخابات مجلس بلدية بيروت إنها تتفهم ما يعاني منه سكان بيروت لأنها واحدة منهم.

وأضافت معلوف ”بأتعذب من كل الأشياء اللي عم يتعذبوا منها البيارتة (أهل بيروت) ياللي هاي مثلاً الأرصفة المكسرة اللي ما فينا نمشي عليها مضبوط ولا فينا نكرج (نوقف سياراتنا) ... ولا حدا معاق على كرسي ما فيه يمشي. من التلوث بالجو. من المساحات الخضراء اللي مش موجودة. من عجقات (زحام) السير. من انه ما في واحد يسكن. من السكن اللي مش عم يتوفر للبيارتة. بقى أنا قبل ما أكون مرشحة. وأنا مرشحة من شان ها الشي. لأني من الناس وللناس. من شان هيك قررت انه أفوت مع بيروت مدينتي لأنها قريبة للناس.“

ونظمت حملة ”بيروت مدينتي“ جلسة في مسرح مترو المدينة بحي الحمراء للتوعية بالحملة والسعي لتجنيد مزيد من المتطوعين لها.

ومن بين من حضروا الجلسة طالبة في كلية الحقوق تُدعى جنيفر أبو فاضل. وعبرت أبو فاضل عن سعادتها بمشاركة شباب في مثل سنها بسياسة بيروت.

وقالت ”بس كان بدي أقول انه أول شي إنه أمر جيد. أول شي انه فيه عالم بعمرنا اللي عم يتطلعوا بمشاكلنا وصابوا بالضبط شو نحن بدنا. شو بدنا نحن حتى نقدر نضبط ها البلد ونقدمه. وحلو انه نشوف انه المشاكل نحن عم نشوفهن وعم نعيشهن فيه عالم عم بيردوا على أسئلتنا وعم بيردوا على حاجاتنا. فهي مبادرة جيدة.“

لكن بعض الأشخاص الآخرين الذين شاركوا في الجلسة كانوا أكثر حذرا. من هؤلاء مستشار استراتيجي يُدعى ربيع باز رضوان

”بها الجلسة اليوم عرفنا شو عم بيعملوا وعرفنا كيف عم يعملوا وكيف الطريقة اللي بدهن يعملوها وعرفنا ليش؟. بس عرفنا ليش بطريقة عامة. بعدني ما عرفت كمستمع أو كناخب ليش أنا بدي أوثق بهول (هؤلاء) الأشخاص بالذات ليعملوها. يعني بعده الموضوع عام يعني عام. الشيء اللي ممكن يزيده انه ليش هن بالذات يعني يضووا ع الأشياء اللي هي قوية فيهن.“

وقالت حملة ”بيروت مدينتي“ إن لائحة مرشحيها ستركز على شباب ذوي مهن متنوعة ولهم خلفيات اجتماعية واقتصادية واسعة.

خدمة الشرق الأوسط التلفزيونية (إعداد محمد محمدين للنشرة العربية - تحرير هالة قنديل)

0 : 0
  • narrow-browser-and-phone
  • medium-browser-and-portrait-tablet
  • landscape-tablet
  • medium-wide-browser
  • wide-browser-and-larger
  • medium-browser-and-landscape-tablet
  • medium-wide-browser-and-larger
  • above-phone
  • portrait-tablet-and-above
  • above-portrait-tablet
  • landscape-tablet-and-above
  • landscape-tablet-and-medium-wide-browser
  • portrait-tablet-and-below
  • landscape-tablet-and-below