July 24, 2018 / 6:21 PM / 5 months ago

تلفزيون-مدرسة للفنون بالقاهرة تساعد الأطفال الفقراء على التطلع إلى مستقبل أفضل

القصة

أُتيحت لأطفال حي عتيق في القاهرة فرصة للقفز إلى مستقبل أكثر إشراقا بتعلم الفنون البهلوانية والرقص والموسيقى.

وتأمل مدرسة الدرب الأحمر للفنون، الواقعة بالحي الذي يحمل نفس الاسم ويعود تاريخه إلى 700 عام، في أن يسهم تعليم الأطفال فنون ألعاب السيرك والعروض في إكسابهم مهارات قيمة للحياة ككل.

وتشتهر المنطقة منذ زمن بعيد بمساجدها التي تعود للعصرين الفاطمي والمملوكي قبل نحو ألف عام، وانتشرت بها في السنوات الأخيرة تجمعات سكنية عشوائية تضم الكثير من الورش والمصانع الصغيرة التي تعتمد في الغالب على عمل الأطفال.

وقال المدرب عادل البهدلي ”بصراحة كانت حاجة ممتعة جدا الواحد يتعامل مع الأطفال بالسن دوت وبالموهبة ديت، فالموضوع كان رائع جدا واستمرينا فيه وكان له نتائج مبهرة. عملنا عروض وسافرنا مع الولاد في أماكن كتيرة قوي وشاركنا في مهرجانات. الولاد استمتعوا وانبسطوا واتفتحت نوافذ تانية وبيبان تانية للولاد إن هم يشوفوا آفاق تانية غير اللي موجودة دائما كحرف في المنطقة“.

ويتعلم الأطفال الغناء والتمثيل والعزف، لكن بالنسبة لقطقوطة البالغة من العمر 14 عاما التي انضمت للمدرسة قبل ستة أعوام فإن التدريبات تمنحها أكثر من مجرد الرقص.

وقالت قطقوطة لتلفزيون رويترز ”لا استفدت حاجت كتير قوي قوي. الواحد يبقى مش بيتكسف قدام الناس ويبقى عنده فن اللي هو يتكلم معاهم، وغير كده الأسلوب معاهم وإحنا هنا مش بناخد سيرك بس، إحنا بناخد حصص تانية زي الرقص بيفيدنا كتير، وورشات تمثيل وعملنا مسرحيات تمثيل برضه“.

وعن المدرسة قال محمود الخطيب المسؤول الإعلامي في مدرسة الدرب الأحمر ”الفكرة ابتدت إن السيرك كفن هو ابتدا ينقرض، وقد إيه إحنا كنا زمان بنحضر عروض سيرك كتيرة جدا متعودين عليها وكان فيه فنيين بيعملوا سيرك مصريين، على عكس دلوقتي، فهو من الأساس إحنا بنعلم الأولاد هنا الفنون إن هي تبقى فنون أدائية بتكمل بعض، إن هم في الآخر يقدموا عرض سيركوي، موسيقي، فيه حركة، فيه أنواع فنون مختلفة هم اللي يقدروا يقدموه مع بعض بحيث إن إحنا من البداية إن إحنا نبعد أطفال المنطقة عن الحرف اليدوية. إن هو يبقى بيعمل حرفة لأ مكانها بيتعلم فن والفن ده ممكن بيقدر يقدموا ومع الوقت يقدر إن هو يجيب منه فلوس“.

إعداد محمد محمدين للنشرة العربية - تحرير محمود رضا مراد

0 : 0
  • narrow-browser-and-phone
  • medium-browser-and-portrait-tablet
  • landscape-tablet
  • medium-wide-browser
  • wide-browser-and-larger
  • medium-browser-and-landscape-tablet
  • medium-wide-browser-and-larger
  • above-phone
  • portrait-tablet-and-above
  • above-portrait-tablet
  • landscape-tablet-and-above
  • landscape-tablet-and-medium-wide-browser
  • portrait-tablet-and-below
  • landscape-tablet-and-below