September 10, 2018 / 6:25 PM / 2 months ago

تلفزيون-محتجون في بيروت: الشاطئ لكل الناس

القصة

تجمع نشطاء ومواطنون وصيادون وراقصون شعبيون لإسماع أصواتهم بصورة واضحة على شاطئ بيروت ورفعوا لافتات يوم الجمعة (7 سبتمبر أيلول) للاحتجاج ضد ما يعتبرونها انتهاكات لسواحل البلاد وللمطالبة بشاطئ عام مجاني للجميع.

وغنى المشاركون ورقصوا وهم يحملون لافتات احتجاج ضد ما يرون أنها عقارات غير قانونية على الشاطئ.

وقال محمد أيوب ، رئيس جمعية ”نحن“ غير الحكومية التي يقودها الشباب والداعية للاحتجاج ”اليوم عم نطالب أنه يرجع شطنا لكل العالم (لكل الناس) متل أي بلد بيحترم حاله.. لأنه هيدا الشط لكل الناس.. بكل بساطة بنتنفس فيه.. نحن هويتنا مرتبطة فيه.. تاريخيا اللبنانية كانوا ع الشط.. الكنعانيين والفينيقيين في تراثنا في المرافئ القديمة هيدي كلها عم بكسروها كرمال يبنوا شي منو دايم اللي هي المنتجعات“.

وأشار فاضل فقية وهو محتج مشارك في الاحتجاج إلى ارتفاع أسعار خدمات المنتجعات على طول شواطئ لبنان والعاصمة بيروت والدراسات الأخيرة حول تلوث مياه البحر في البلاد.

وقال ”أنا من حقي يكون عندي وصول حر للشاطى.. مش مضطر حط ٤٠ و ٥٠ دولار لروح أنزل ع مسبح.. هلق صرنا بطل فينا نسبح بالبحر صرنا بدنا نسافر لنزل عالبحر من حقنا يكون عنا هيدا البحر.. نحن عم ننزل ومنشجع هول التظاهرات يلي عم بصيروا لنطالب بحقنا“.

وتقول متظاهرة تدعى ليال منصور ”نحن اليوم عم نشارك بالمظاهرة لنعبر عن اعتراضنا عن فقدان الشط شقفة ورا شقفة.. يلي باقي من الشط اللبناني هو جزء كتير بسيط نسبة لطوله“.

وتقول جمعية (نحن) إن مسافة تقل عن 40 كيلومترا فقط من الواجهة البحرية للبنان البالغ طولها 220 كيلومترا مفتوحة للجمهور، وإن هناك تعديات على أكثر من 90 ألف متر مربع في بيروت وحدها.

وتحدث رئيس بلدية بيروت المهندس جمال عيتاني لرويترز حول الأمر.

وقال ”أنا بقول مزبوط في تعديات لازم إزالتها وفِي أراضي أملاك خاصة تطورت على الشاطئ اللبناني يمكن ما اتاخدت فيها المعايير المزبوطة لنحافظ على الشط للعامة والناس،.. ولكن نحن ببلدية بيروت أخدنا قرار السنة الماضية بتوقيف أي أعمال على شاطئ بيروت أو تطوير أي عقار حتى لو كان خاص.. ممنوع يطوروا هلق قبل ما نكمل دراستنا لازم الشط يلي ببيروت يكون مطور“.

وأضاف ”في الخطوة الأولى إنو نفتح الشط أكتر للناس وهيدا يلي عم نعمله.. الخطوة التانية عم نعمل المخطط العام للشط كيف لازم يكون وندرس قانونية استرجاع ما كان لبلدية بيروت أو مدينة بيروت، لحقوق الناس للحقوق العامة بطريقة ما يكون في أذى أو تعدي على حقوق الناس“.

إعداد أيمن سعد مسلم للنشرة العربية - تحرير يحيى خلف

0 : 0
  • narrow-browser-and-phone
  • medium-browser-and-portrait-tablet
  • landscape-tablet
  • medium-wide-browser
  • wide-browser-and-larger
  • medium-browser-and-landscape-tablet
  • medium-wide-browser-and-larger
  • above-phone
  • portrait-tablet-and-above
  • above-portrait-tablet
  • landscape-tablet-and-above
  • landscape-tablet-and-medium-wide-browser
  • portrait-tablet-and-below
  • landscape-tablet-and-below