22 أيلول سبتمبر 2016 / 17:12 / منذ عام واحد

تلفزيون-مسرحية بلغة الإشارة تجتذب الجمهور في مصر

الموضوع 4163

المدة 5.20 دقيقة

القاهرة في مصر

تصوير 21 سبتمبر أيلول 2016

الصوت طبيعي مع لغة عربية

المصدر تلفزيون رويترز

القيود لا يوجد

القصة

تسلط مسرحية في مصر الضوء على ممثلين من الصم وضعاف السمع ووسيلتهم التي يستخدمونها للتواصل ألا وهي لغة الإشارة.

وتعرض هذه المسرحية الأولى من نوعها حاليا في مسرح الطليعة بالقرب من وسط القاهرة وتضم مجموعة من الممثلين هم سبعة من ضعاف السمع وخمسة أصحاء.

وهذه هي المرة الأولى التي يشترك فيها ممثلون من ضعاف السمع ومع آخرين من الأصحاء على نفس خشبة المسرح أمام جمهور مختلط.

وقال المخرج محمد علام إن هذه الفكرة جاءته بعد أن علم أن في مصر نحو 5 ملايين شخص من ضعاف السمع.

وأوضح علام ”ببساطة أنا كنت مرة ماشي في شارع فعلياً ولاقيت حد واقف بيتكلم عبر فيديو الهاتف (بالإنجليزية) فالموضوع ده أثار انتباهي جداً ففضلت واقف قدامه كتير.. فلاقيته بيتكلم إشارة غريبة جداً.. فاكتشفت إن ديه لغة فعلياً وعرفت انهم لهم لغة معينة بيستخدمها بالإيد عشان هم مبيعرفوش ولا ينطقوا ولا يسمعوا. فبدأت أعمل بحث (بالإنجليزية) على النت فلقيت إنهم عددهم في مصر 5 مليون بني آدم.. ده المقيدين فقط يعني فيه ناس في العشوائيات والحاجات دية ممكن يعملو بتاع 600 ألف كمان فده رقم مهول.“

وواجه علام في بداية الأمر صعوبة تتعلق بمساعدة الممثلين على التواصل مع بعضهم البعض الأمر الذي دفعه إلى بدء ورشة عمل تدريبية لتعليم الممثلين كيفية التواصل.

وأوضح”اكتشفت بعد ما عرضنا.. اكتشفت إن فيه مئات من الممثلين الصم.. فيه في اسكندرية والشرقية وهنا في مصر كتير جداً. فقررنا إن احنا نعمل ورشة كبيرة جداً ونضم فيها ممثلين أكتر. بعد التلات أسابيع كنا بدأنا نلقط شوية حاجات و شوية حروف وكدة.. بالذات ألفاظ للمسرحية ديه اللي كنت باستخدمها كتير.. اقف لي هنا.. اعملي هنا أداء (بالإنجليزية) لأ اتعصب، لأ ركز شوية في تركيزك وحلمك وبتاع. فا ابتدى يكون فيه تناغم ما بيني وما بينهم عجبني يعني.. أنا عن نفسي حبيت لغة الإشارة.“

وفي هذه المسرحية يقدم الممثلون عشرة اسكتشات كوميدية ودرامية تسلط الضوء على المشاكل التي يواجهها الصم وضعاف السمع في مصر.

وتستخدم المسرحية لغة الإشارة والسرد الصوتي على حد سواء.

ويقوم الممثلون الذين يتحدثون بعمل إشارات أو التحدث بالإشارة في نفس الوقت الذي يتكلمون فيه وهناك شخص يقوم بالسرد لضعاف السمع دون أن يظهر على المسرح ليوضح ما يقولونه وكذلك ما يشيرون إليه مما يساعد الجمهور المختلط على الفهم بشكل كامل.

وقال الممثل الرئيسي بطل المسرحية سيف سراج إنه يجب أن تكون مصر مكانا أسهل لضعاف السمع بما في ذلك المرافق الحكومية وأماكن الترفيه.

وكانت أول حفلة تمثيلية لسراج تتألف بالكامل من مجموعة من الممثلين الصم وفشلت بسبب المشاكل المتعلقة بالتواصل لكنه يعتقد الآن أن سر النجاح هو أن يكون الفريق مختلطا.

ويقول سيف سراج”العرض هنا عرض العطر هو مبسوط فيه جداً لأن معه متكلمين. 7 صم و 5 متكلمين.. مبسوط جداً جداً بيه.. لأن الناس اتعلمت إشارة.. في الأول كانوا الناس بردو مش حاسين بنا ومش عارفين يتعاملوا معنا ودلوقتي بيندموا إن احنا متعملناش مع بعض من زمان بيندموا إن احنا ما اشتغلناش مع بعض من زمان. أنا برجو من كل الناس متسمعش كلمة صم فهو إحنا أقل.. لأ يروح يتعلم إشارة.. ييجي يتفرج على العرض ده.. يتعرف يشوف الصم إيه أخبارهم.. يعرف العالم بتاعنا إيه. نفسي كل الناس تيجي تتفرج على ده.. ونفسي نفسي يحصل فيلم.. يحصل مسلسل.“

وقرر المسرح والمخرجون أن تكون مشاهدة المسرحية بالمجان لعرض موهبة الممثلين الصم. لكن الكثيرين من الجمهور وأعضاء الفريق قالوا إن محتوى المسرحية وليس الدخول المجاني هو ما ساعد في إنجاحها.

وقالت ممثلة تدعى نورا نور ”بالنسبة للصم هي ديه أول تجربة تحصل أو حاجة لهم.. حاجة هم هيدخلوا يفهموا.. هيدخلوا يتفرجوا فطبعاً كلهم بييجوه .. أنا حاجة بتاعتي اللي هو أخيراً هفهم حاجة.“

وقال متفرج يدعى محمود إنه يتابع عرض المسرحية في مدن مختلفة.

وقال محمود ”لأ مفيش، أول مرة العطر تعمل حاجة زي كدة. قبل كدة كان فيه مسرحيات اللي هي شابلن.. كان بطلها سيف سراج وبعد كدا مبقاش تاني وبعد كدا قمر عادل جابتهم مع محمد علام وعملوا المسرحية ديه.“

ولا توجد إحصاءات رسمية فيما يتعلق بعدد الاشخاص الذين يعانون من إعاقات سمعية في مصر وتتراوح التقديرات ما بين أربعة ملايين و13 مليون شخص.

خدمة الشرق الأوسط التلفزيونية (إعداد أيمن مسلم للنشرة العربية - تحرير ليليان وجدي)

0 : 0
  • narrow-browser-and-phone
  • medium-browser-and-portrait-tablet
  • landscape-tablet
  • medium-wide-browser
  • wide-browser-and-larger
  • medium-browser-and-landscape-tablet
  • medium-wide-browser-and-larger
  • above-phone
  • portrait-tablet-and-above
  • above-portrait-tablet
  • landscape-tablet-and-above
  • landscape-tablet-and-medium-wide-browser
  • portrait-tablet-and-below
  • landscape-tablet-and-below