July 10, 2018 / 4:20 PM / a month ago

تلفزيون-رسام مصري يبدع لوحات فنية بالمقلوب وبسرعة فائقة أمام الجمهور

القصة

دقائق معدودة هي التي يستغرقها فنان مصري شاب ليرسم لوحة كاملة بملامح واضحة.. وبالمقلوب.

ويستخدم البير مجدي (23 عاما)، الشهير بألبير بوجي، فرشتين لرسم مشاهير عرب وعالميين، وغالبا ما يكون ذلك أمام الجمهور مباشرة.

وحول بداياته قال لتلفزيون رويترز ”المقلوب بدأ معايا من أول مسابقة دخلتها، المسابقة كانت بتعتمد أنك الانبهار أكتر والسرعة. كانت الفكرة في المقلوب، يعني كنت ألاقي ناس كتيرة بترسم بسرعة بس كانت معدول. طيب إيه اللي هيخليك مميز للجنة التحكيم من الجمهور؟. لازما تعمل حاجة مميزة ومختلفة وفي نفس الوقت شايفها، هو الجمهور ولجنة التحكيم، شايفينها صعبة. فقلت لازما أشتغل إني أرسم بالمقلوب. وجت الحمد لله الفكرة ونفذتها وكانت أول مسابقة دخلتها نفذت فيها المقلوب والحمد لله يعني خذت فيها مركز أول“.

وكلما كان حجم اللوحة أكبر كلما كان إنجازها أسرع بالنسبة لألبير مجدي. ويستغرق رسم اللوحة منه بين ثلاث وأربع دقائق في المتوسط. وأطول فترة استغرقها في رسم لوحة كانت ست دقائق.

ولألبير بوجي أساليب عديدة في الرسم، فهو عادة ما يستخدم النار لتثبيت درجات لونية معينة في لوحاته أو يرش مسحوقا لإبراز ملامح معينة في عمله الفني.

ويوضح الفنان الشاب أنه من كثرة رسمه للوحاته بالمقلوب أصبح يجد صعوبة في رسم لوحات عادية بالطريقة التقليدية المعتدلة.

وقال ”إن أنا بقيت أرسم بالمقلوب كتير، دلوقتي (حاليا) عمل لي نظام صعوبة جدا إن أنا أرجع أرسم تاني بالمعدول. حتى لما بيجيلي شغل في شقق أو في كافيهات إني أرسم بالمعدول بيبقى الموضوع بالنسبة لي صعب، صعب جدا. فيه أوقات فيه لوح (لوحات) يعني اتنين في لوحة فبأضطر إني أرسم الوجه التاني اللي فوق معدول واللي تحت مقلوب. فبيبقى بالنسبة لي الوجه المعدول صعب، صعب قوي، بيأخذ وقت أكتر من المقلوب“.

ولا تقتصر مهمة ألبير بوجي على إبداع لوحة فنية فقط بسرعة لكنه أيضا يستهدف إبهار الجمهور ليبقى مندمجا معه وهو يرسم.

وأضاف ألبير بوجي لتلفزيون رويترز ”فكرة السرعة مطلوبة جدا عشان أنا وبأرسم جمهوري ما يملش. فمطلوب انك تكون سريع جدا وفي نفس الوقت أنت وسريع الملامح ما تضيعش منك، لازما تكون محافظ ع الملامح ومحافظ على سرعتك. السرعة نفسها فيها انبهار، الجمهور لما بيشوف إن أنت سريع جدا وبترسم مقلوب فعنده واو، ازاي؟ وبيتشد لك أكثر فبيبقى مندمج معاك أكثر وأكثر“.

إعداد وتحرير محمد محمدين للنشرة العربية

0 : 0
  • narrow-browser-and-phone
  • medium-browser-and-portrait-tablet
  • landscape-tablet
  • medium-wide-browser
  • wide-browser-and-larger
  • medium-browser-and-landscape-tablet
  • medium-wide-browser-and-larger
  • above-phone
  • portrait-tablet-and-above
  • above-portrait-tablet
  • landscape-tablet-and-above
  • landscape-tablet-and-medium-wide-browser
  • portrait-tablet-and-below
  • landscape-tablet-and-below