August 27, 2018 / 3:42 PM / in 3 months

تلفزيون-مزارعون بلبنان يطالبون بتقنين الحشيش لمواجهة الجفاف والفقر

القصة

يمثل التباين الصارخ بين اللون الأخضر المفعم بالحياة في حقل للقنب (الحشيش) والأراضي القاحلة القريبة منه في سهل البقاع اللبناني معضلة منذ سنوات بالنسبة للمزارعين الفقراء في المنطقة.

ونبات الحشيش أكثر قدرة على الاحتمال وأقل احتياجا للمياه وأرخص ثمناً من المحاصيل الرئيسية الأخرى كالتفاح والبطاطا، لكن زراعته غير قانونية في الوقت الراهن.

وقال رئيس البرلمان في الشهر الماضي إن البرلمان سينظر في إضفاء الشرعية على زراعته للاستخدامات الطبية، لكن بعض الناس في البقاع غير مقتنعين بحدوث تغيير حقيقي.

وقال أبو محمد وهو مزارع قنب يبلغ من العمر 52 عاما في بلدة اليمّونة في البقاع ”أنا بصدق إنه عم يلهونا متل واحد أجلك عم يعطوا خود هالعضمة.. كلب عم يعطوا عضمة إنه خود اسكت.. لأن الشعب جاع مزبوط ما عاد في يتحمل اللي عم يصير“.

وأضاف ”هلأ ممكن يغير حياة الناس بس المهم يعملوا عفو عهالعالم ويشرعوا وما يشرعوا يصطفلوا (يتدبرون الأمر).. أهم شي يعملوا عفو لهلناس. إذا لقطوا معهو هيدي الشتلة صغيرة هممم إنت بتشرب سيجارة حطوا ٥ سنين بالحبس.. ما إنتم سارقين مال الشعب ومش عم أقعدوا بالحبس هو الحكام كلون حرامية“.

ويقول طلال شريف، وهو رئيس بلدية اليمّونه في البقاع الشمالي، إن هناك حوالي 35 ألف شخص تلاحقهم الشرطة في المنطقة بتهمة زراعة الحشيش.

ويضيف ”دولة عم تقول والله نحن بدنا نشرع الحشيشة.. أوكي نحن مع التشريع ليه؟ ساعة إللي بدو يقلك في بالمنطقة ٣٠ إلى ٣٥ ألف بني آدم مطلوبين من ورا زراعة الحشيشة والتجارة بالحشيشية وكذا عالأكيد ساعة إللي بتتشرع ما بيعود في عنا العدد هادا من المطلوبين“.

والأمر الذي يغضب بعض الناس في البقاع هو الشعور بأنهم ليس لديهم خيار آخر سوى زراعة محصول غير قانوني.

وقال أبو عبدو مظلوم (40 عاما) وهو من سكان بلدة بريتال القريبة والذي قضى سنوات في السجن بسبب مخالفة تتعلق بالحشيش إن ارتفاع معدل البطالة هو ما دفع المزارعين إلى زراعة بضعة كيلومترات مربعة من الحشيش.

ويوضح أبو عبدو وهو أحد الناشطين في موضوع تقنين الحشيش ”إنتي عم تحكيلي بمنطقة فيها بطالة ٥٥ بالمئة أكتر منطقة بالعالم على تعداد السكان هي بعلبك الهرمل في بطالة.. والعالم لو ما إجا وضع الحرب بالشرق الأوسط شوي ما كانوا زمطوا هالكم دونم حشيشة ببعلبك الهرمل (شو بيعملوا) هول بيجيبوا شوية مصاري للناس بس مانون حل لأن حرام هول ناس معترين“.

ويضيف ”هون لما بتتشرع استفاد المزارع بطل التاجر بستفيد. بدكن تضلوا تجار ولا بدكن تساعد.. تعملوا دورة اقتصادية وتساعدوا المعترين“.

وأثار رئيس البلدية، طلال شريف، إمكانية تنظيم زراعة الحشيش بالطريقة نفسها التي تُنظم بها زراعة التبغ بحيث تقوم الحكومة بشراء المحصول بسعر محدد.

ويقول إن هناك حوالي 1500 كيلومتر مربع من الأراضي المستخدمة في زراعة الحشيش يملكها حوالي 150 شخصًا يوظفون مئات العمال السوريين المؤقتين.

وفي الوقت الراهن، ليس هناك احتمال يذكر للتحرك سريعا نحو إضفاء الشرعية على زراعة الحشيش. فبعد ما يقرب من أربعة أشهر من الانتخابات العامة، لا تزال الأحزاب السياسية اللبنانية تختلف حول تشكيل حكومة ائتلافية جديدة.

لكن في بلدة بر إلياس القريبة، يقول المزارعون إنهم يواجهون الصعاب. وقال أحد المزارعين ويدعى خالد عريجي إن محصوله الأخير من الخضار عانى بشكل كارثي بسبب الجفاف. فالنهر الذي يرويه قد جف. وقال إنه حتى الطيور لا تجد الماء لكي تشرب.

وقال إنه سيزرع الحشيش بدلاً من ذلك إذا سمحت الحكومة بذلك.

وأوضح ”والله نحن سمعنا عالأخبار إنه ممكن يكون في تشريع لزراعة الحشيشة بالنسبة إذا صارت كتير موضوع مهم هلأ بالنسبة لموضوع الجفاف مثلا نحن عنا هلا ببر إلياس عم نسقي من نهر الغزيّل نشف نهر الغزيل.. ما عاش في نقطة ماي. العصفور إذا بدو يشرب ما في نقطة ماي. نشف طيب شو البديل. ما أموالنا نحن بالأرض وهلأ ما عاش في ماي يعني انكسرنا لورا ١٠ سنين“.

وأضاف ”إذا في بديل وزراعة حشيشة كتير منيحة المهم يكون في بديل إذا هالمزارع ما بدو يغنى. بدو يشتغل بالصيف بس حتى يُؤْمِن مونة الشتا لحتى يقدر يعيش بالشتا ”.

إعداد أيمن سعد مسلم للنشرة العربية - تحرير رحاب علاء

0 : 0
  • narrow-browser-and-phone
  • medium-browser-and-portrait-tablet
  • landscape-tablet
  • medium-wide-browser
  • wide-browser-and-larger
  • medium-browser-and-landscape-tablet
  • medium-wide-browser-and-larger
  • above-phone
  • portrait-tablet-and-above
  • above-portrait-tablet
  • landscape-tablet-and-above
  • landscape-tablet-and-medium-wide-browser
  • portrait-tablet-and-below
  • landscape-tablet-and-below