3 آب أغسطس 2010 / 15:36 / بعد 7 أعوام

مطعم في بيروت يساهم في الحفاظ على تقاليد المطبخ اللبناني

بيروت (رويترز)- مطعم طاولة في وسط بيروت ليس مطعما لبنانيا عاديا.

فالزبائن يملأون المطعم كل يوم في الاسبوع من الساعة الواحدة ظهرا حتى الرابعة عصرا وتتغير قائمة أصناف الطعام يوميا.

ويدعو كمال مزوق صاحب مطعم طاولة نساء من قرى صغيرة قريبة من بيروت ليتسنى لزبائنه تذوق الاصناف التي تطهى في ريف لبنان.

وفي أحد أركان المطعم تمتد طاولة عليها أصناف من الطعام مثل التبولة والكبة والحمص الى جانب الاطباق اليومية الخاصة.

جميلة النهرا هي طاهية اليوم في المطعم.

قالت جميلة ”فيه كبة البطاطا كثير مشهورين فيها أهل صبغين. بيحشوها قاورمة مع لبنة المعزة. وفيه الزنجل بالحامض. مؤلف من حمص وبرغل وقلية.. بصل وثوم وبيحطوا لها خل اذا بدك بدل الحامض. يعني هي الضيع اللبنانية كل هذه الاكلات.. كل ضيعة بلبنان عندها ها الاكلات وبتعمل ها الاشياء كلها.“

وأصناف الطعام التي تعدها جميلة وغيرها من نساء الضيغات اللاتي يستضيفهن مطعم طاولة يوميا محاولة يهدف بها مزوق للحفاظ على وصفات الطعام اللبنانية التقليدية ومساعدة صغار المنتجين والطهاة.

قالت جميلة النهرا عن عملها ”بحبها لانه رزقتي كمان. رزقتك ما بدك تروحيها من ايدك.. بتحبيها.. بتحبيها من كل قلبك. وبتطبخي الطبخة بحنان وبمحبة من كل قلبك وبدك تعملي أحسن شيء لحتى تطلع طيبة.“

ومزوق هو أيضا الذي أسس سوق منتجات المزارع المعروفة باسم ”سوق الطيب“ قبل خمس سنوات.

وقال مزروق عن مطعم طاولة ”هو مطبخ مفتوح كل يوم في ست (امرأة) من منطقة مختلفة عم تطبخ الاكل التقليدي تبع منطفتها. ومن الظهر من الساعة الواحدة للساعة أربعة مثى بيكون عندنا هذا البوفيه الكبير مع كل الاكلات التقليدية كل يوم من منطقة مختلفة. بدل ما نروح نركض على المناطق كأنه ها المناطق بتيجي لعندنا كل يوم على وسط بيروت.“

وأضاف ”أكيد الفكرة هي على طول كيف نقدر ندعم صغار المنتجين المزارعين بتأمين تصريف لمنتوجاتهم أو لطبخهم وبنفس الوقت كيف بنقدر نحافظ على تقاليدنا وعلى تاريخنا من خلال شيء بسيط كثير اللي (الذي) هو أكلنا. ما فيه شيء بيخبر عنا أكثر من التبولة والكبة النية. كيف عملوا الكبة بالشمال وكيف زادوا الدقة والكمونة للكبة بالجنوب. فاذن كيف كل منطقة عم تخبر تاريخها من خلال تقاليدها الغذائية.“

ويستضيف مطهم ”طاولة“ أحيانا طهاة من خارج لبنان يسعون لاتقان أصناف الطعام المحلية التقليدية.

0 : 0
  • narrow-browser-and-phone
  • medium-browser-and-portrait-tablet
  • landscape-tablet
  • medium-wide-browser
  • wide-browser-and-larger
  • medium-browser-and-landscape-tablet
  • medium-wide-browser-and-larger
  • above-phone
  • portrait-tablet-and-above
  • above-portrait-tablet
  • landscape-tablet-and-above
  • landscape-tablet-and-medium-wide-browser
  • portrait-tablet-and-below
  • landscape-tablet-and-below